Misirdə Beynəlxalq Parabadminton Turniri təşkil olunacaq

Yanvarın 21-dən 26-dək Misirin paytaxtı Qahirədə 2-ci Beynəlxalq Parabadminton Turniri təşkil olunacaq.Turnirdə ölkəmizi İbrahim Əliyev təmsil edəcək. Parabadmintonçumuz Misirə məşqçi Teymur Abbasov ilə yollanıb.Qeyd edək ki, turnir “Grade 2” kateqoriyasına daxil edilən Beynəlxalq Badminton Federasiyasının təsnifat yarışıdır.
Şəhidlərimizin xatirəsi yad edilib

Milli Paralimpiya Komitəsinin kollektivi 20 Yanvar – Ümumxalq Hüzn Günü ilə əlaqədar Şəhidlər xiyabanını ziyarət edərək ölkəmizin azadlığı və müstəqilliyi uğrunda canlarını fəda etmiş şəhidlərimizin xatirəsini yad edib.
Antidopinq mövzusunda maarifləndirici seminar keçirilib

Azərbaycan Milli Antidopinq Agentliyi – AMADA və Azərbaycan Respublikası Milli Paralimpiya Komitəsinin birgə təşkilatçılığı ilə antidopinq mövzusunda maarifləndirici seminar keçirilib. Təqdimat şəklində keçirilən seminarda antidopinq qayda pozuntuları, dopinq təhlükələri, dopinq nəzarəti prosesi haqqında idmançılara ətraflı məlumat verilib. Seminarda parataekvondo və paraatletika üzrə paralimpiyaçılarımız iştirak ediblər.