IBSA dünya oyunlarında iştirak edən cüdo və şahmat idman növlər üzrə milli komanda üzvlərinin qarşılama mərasimi keçirilib.
Milli komandanın üzvləri IBSA dünya oyunlarından Vətənə qayıdıblar.
Birləşmiş Krallığın Birmingem şəhərində keçirilən IBSA dünya oyunlarında iştirak edən cüdo və şahmat idman növlər üzrə milli komanda üzvlərinin Heydər Əliyev Beynəlxalq Aeroportunda qarşılama mərasimi keçirilib. Komandamızı Milli Paralimpiya Komitəsinin nümayəndələri və idmançıların yaxınları qarşılayıblar.
Qeyd edək ki, dünya oyunlarında cüdoçularımız İlham Zəkiyev və Xanım Hüseynova gümüş, Şəhanə Hacıyeva isə bürünc medal qazanıblar.
Şahmatçıların yarışında isə komandamız 5-ci yerdə oyunları başa vurub.
